කියුබිකල් ආදරය

කුකුළටත් කලින් ඇහැරිලා

තුනට හතරට නැමිලා

බස් එකේ තෙරපිච්ච මට

කුකුල් කරමල් පාට, ලයිනින් තොල් මැදින්

ටීෂා...

“ගුඩ් මෝනින්”

කියුබිකල් එක මැදින්

තිබ්බේ නැත්නම් වීදුරුව

දෙනවා මං කිස් එකක්

රෝස් පවුඩර් උලපු, සුදුම සුදු මුණටම

ටීෂා..

එවනවා මං ෆ්ලයින් කිස් එකක්

දැන් පැලෙයි දෝ මන්දා...

කර කැපුණු හැඩ හැට්ටේ

වටොර හිර කළ ඩෙනිම

අතේ අයිෆෝනය, කරේ ඇට මාලය

ටීෂා...

හරි හැඩයි දැක්කහම

ඉංගිරිසි වක්කරන්

ලොක්කෝ ටික වටකරන්

හයි ෆයි කාර් වල හවසට ගමන් යන

ටීෂා..

“ සී යූ ටුමාරෝ”

පින්තූරය - www.dailymail.co.uk