නාඩි සෙට් එක

Wednesday, April 30, 2014

දියව් දියව්!!!!!



වැඩ කරන ජනතාවගේ දවසේ හැම තැනම පේන්න තියෙන පෝස්ටර් බැනර් වල තියෙන්නේ “දියව් දියව්!!!” කියලා! කොහෙවත් “ගනිව් ගනිව්” කියලා නෑ! අනේ මන්දා....

රටේ විරැකියාව උග්‍ර වෙලාලු! රැකියා නැහැල්ලු! උපාධිධාරියෝ මහපාරෙලු!! ඔව්! සේරම ඇත්ත! උඩ ඉදන් යට තැන වෙනකම් ඔක්කොම මේකට වැරදිකාරයෝ! අපිත් එක්ක! ඔක්කොම වැරදිකාරයො!

කැම්පස් පැම්පස් නාඩියේමංතුමා කිව්වේ කැම්පස් වලින් එලියට එන අපේ උන්ට යන කලදසාව ගැන.

ඒ අහව් අස්සේ “ඇයිරත්තරං ඔය අත් වල මජං” කියලා අහන්න ගිහිං ඇහුනේ වෙනමම පැත්තක්!

කොහොමෙන් කොහොම හරි මැයි දිනේ රතු පාට ඇඳලා එහෙම කොටන්න ගත්තේ මේ ටිකේ ඔළුවට වැදිච්ච අදහස් ටිකක්.

විරැකියාව, හැම තැනම තියෙන ප්‍රශ්නයක්. හැබැයි ඇත්ත තත්ත්වේ තමයි රජයට හරි පුද්ගලික අංශෙ අයට හරි බෑ ලංකාවේ ඉන්න ඔක්කොම උපාධිධාරියෝ ටිකටයි අනිත් ඔක්කොටමයි රස්සා දෙන්න. මොකද කිව්වොත් රාජ්‍ය විශ්වවිද්‍යාල වලට එන හැමෝටම අපි රජයේ රැකියා දෙනවා කියලා පොරොන්දුවක් කිසිම රජයක් දෙන්නේ නෑ. අනික එහෙම දෙන්න ඕනි කියලා බැඳිලත් නෑ. ඒ අය කරන්නේ රැකියා වෙළඳ පොලට අවශ්‍ය මානව සම්පත ගොඩ නංවන එක විතරයි. (හැබැයි ඒක හරියට වෙනවද කියන එක ප්‍රශ්නයක්) 

ඉතිං ඉතිරි උන් ටික මොකෝ කරන්නේ??  හැමදාම ලිප්ටන් වටරවුමට වෙලා කෑ ගහනවද? නැත්නම් බෝක්කුවක් උඩට වෙලා හැමදාම රැකියා ඇබෑර්තු පත්තරෙයි ගැසට් ඒකයි කියෝ කියෝ ඉන්නවද???

ලඟකදී දවසක මංතුමා ගෙදර එද්දී රෑ 8 ට විතර ටවුමේ පාන් බනිස් තියාගෙන හිටිය ත්‍රි විලරේ පැත්තෙන් මගේ නම කියනවා ඇහුනා.  මොන විජ්ජුම්බරයක් ද කියලා ඔලුව දාල බලද්දී යකෝ මේ අපේ පන්තියේ හිටිය අතීසාර මිත්තරයෙක් නේ මේ! මිනිහා OL විභාගේ පේල්! පන්තියේ අන්තිමයාගේ ඉඳලා ගත්තොත් 3 වෙනියා විතර! හැබැයි හරිම හිත හොඳ කොල්ලා!

“අඩේ බං උඹද මේක කරන්නේ! මං දන්නේ නෑනේ!”
“කොහෙද ඉතිං උඹලා ගමේ රටේ වත් ඉන්න එකක් යැ!”

“ඉතිං ඉතිං උඹ ගත්තද බං මේ ත්‍රි විලරේ? කොහොමද දැන් බිස්නස් එහෙම?”
“අවුලක් නෑ බං. මේක මං 1කට ගත්තේ. පාන් තියෙන පෙට්ටිය අඩු ගානකට හම්බුනා. දැන් ඉතිං මේක තියාගෙන වැඩේ කරගෙන යනවා”

“එලම තමා! කොහොමද ඉතිං සම්තින් එකක් වැදෙනවද?”
“නැත්නම්! කොහොමත් දවසකට හයදාහක වත් බිස්නස් එකක් තියනවා බං. තෙල් වලට එහෙම වියදම් ඇරලා 2ක් වත් අතට ගන්න පුළුවන් බං.”

“යකෝ තනි උඹට හොඳටම ඇතිනේ ඒ ගාන!”
“නෑ බං wife ටයි පොඩි එකාටයි සලකන්නත් එපැයි”

ඌ දැන් මාස හතරක පොඩි එකෙක්ගේ තාත්තා කෙනෙක්! සන්තෝසයි බොලව්.

මට ඌ කියපු විදිහට ඔය චුන් පාන් යන ත්‍රි විලරේක ලොරියක ඉන්කම් එක ඔන්න ඔහොමයි. බනිස් ගෙඩියකින් රුපියල් 5ක් සුද්ධ ලැබේ තියන්න පුළුවන් ලු! (දැන් ඉතිං තොපි ඊළඟ පාර පාන් මල්ලි ආපුවහම ඒවටත් ඩිස්කවුන්ට් ඉල්ලන්න යන්න එපා!)

දෙයියන්ගේ පිහිටෙන් නෙවෙයි උගේ දාඩිය වල පිහිටෙන් පවුලක් කාල ඇඳලා ඉන්නවා. ඊළඟ මාසේ විතර තව ත්‍රි විලරයක් අරගෙන මස්සිනාට වැඩේ හුරු කරවන්නයි උගේ ලෑස්තිය. ඌ දැන් ව්‍යවසායකයෙක්!

ඊලඟ කතාව...

අසංක අයියා අපිට වඩා අවුරුදු 3ක් විතර වැඩිමහල්. මිනිහා බැන්දා. හැබැයි අවාසනාවකට හම්බුනා පොඩි එකාට තැලිසිමියාව. ඉස්පිරිතාල ගානේ ගිහිං එහෙම මිනිහගේ රස්සාව නැති උනා. මොනවා කරන්නද! මිනිහා බැස්සේ බුලත් විට බිස්නස් එකට. උදේ පාන්දරම විට හදලා ටවුමේ කඩ ටිකට ගෙනිහින් දාන එක තමයි කලේ. වැඩේ නැගලා ගියා. දැන් මනුස්සයා මදුරුවා බයික් එකක් එහෙම අරගෙන ලකේට ඉන්නවා. මේ සයිඩ් එකටම බුලත් විට දාන්නේ මිනිහා!

“මල්ලි දැන් මට තියෙන ප්‍රශ්නේ ඉල්ලන ප්‍රමානෙට සප්ලයි එක දෙන්න බැරි එක! එච්චර වැඩ තියනවා. ඒ හින්දා මං උදේට විට හදලා දෙන ගෑනු කෙනෙක්ට පඩියකුත් ගෙවනවා බං”

බින්දුවේ ඉදන් නැගිට්ට අසංක දැන් ව්‍යවසායකයෙක්!

මං තුමාට ඔය මගේම කියලා බිස්නස් පිස්සුව තදේටම තියන එකෙක්. AL ඉවර වෙලා තව සෙට් එකක් එකතු කරගෙන වැඩේට බස්සා. කලේ ඉතිං දන්න කියන software වැඩ කෑලි තමා. Project එකයි කලේ! වැඩේ කොට උඩ! මං කපෝති! අතේ තිබිච්ච පෝන් කට්ටත් විකුනලා තමයි බේරුනේ. වැරදෙනවා. හැබැයි පාඩම් ඉගෙන ගෙන නැගිටින එකයි වැදගත්.

දැන් නම් ඉතිං Brightron Solutions වෙච්චි අපේම කොම්පැනියේ වැඩ ටික කරගෙන ඉන්නවා. ගන්න දැනුමින් මොකක් හරි ප්‍රයෝජනයක් තියෙන්නත් එපැයි.
http://www.brightron.net/

බ්ලොග් ලෝකේ නම් ගොඩක් දෙනෙක් ව්‍යවසායකයෝ! හිරු අක්කා, අභීත අයියා, අයිස් ජෝඩුව මේ මම දන්න කියන දෙතුන් දෙනෙක්. තමන්ගේම කියලා ව්‍යපාරේක තියෙන වැදගත්කම ඒ අය දන්නවා. 

කවුරු කොහොම කිව්වත් වැඩේ ලේසි නෑ! හිනා වෙන්න නම් කට්ට කන්න ඕනේ මල්ලි...

මෙහෙම කියන් යද්දී මතක් වෙන්නේ අපේ ත්‍රි වීලර් මල්ලිලා ටික. ඒ අයත් එක අතකින් බැලුවහම තමාගේම මුදල් ඉපයීමේ මාර්ගයක් හිමි උදවිය. හැබැයි මට පොඩි ප්‍රශ්නයක් තියනවා. සාමාන්‍යන් අර්ධ නාගරික ප්‍රදේශයක නැත්නම් ගම්බද පලාතක හන්දියක ත්‍රි විලරයක් තියාගෙන ඉන්න අය ඒ අයගේ කාලයෙන් උපරිම ප්‍රයෝජනේ ගන්නවද? මං දැකලා තියෙන විදිහට ඒ අය හයර් නැති වෙලාවට කරන්නේ ඔහේ පාර දිහා බලාගෙන ඉන්න එක. නැත්නම් කාඩ් පාරක් ගහන එක. 

නිකමට හරි මේ spare time එකත් ආදායම් ලබන විදිහක් කරන්න පුළුවන් නම්... තව සම්තින් එකක් අතේ...
එහෙම කරගෙන ගියොත් ඒ මල්ලිත් ව්‍යවසායකයෙක්!

හරිම අමාරුවෙන් කියෝ ගත්තු වචනේ “ව්‍යවසායකත්වය” හිංගලෙන් කිව්වොත් entrepreneurship. විශ්වවිද්‍යාල වල පැය ගණන් ලෙක්චර් කරලා ඉගැන්නුවත් තරුණ සමුළු අරවා මේවාගේ කොච්චර කතා උනත් ලංකාවේ තරුණ ව්‍යවසායකයෝ ඉන්නේ හරිම අඩුවෙන්...

සමහර විට සමාජේ තියෙන පරණ අටු මත මේකට හේතු වෙන්නත් පුළුවන්.

මොනවා මංතුමා කිව්වේ දැන් ගිහිං පෙට්ටියක් බදාගෙන පාන් බනිස් විකුනපන් කියලා හරි බුලත් විට හදපන් කියලා හරි නෙවෙයි.

අපි හිතමු. 

තමන් හිසට තම අතමය සෙවනැල්ල කියලා කියනවනේ....

Wednesday, April 23, 2014

සයිබරේ 20




මුලින් හිතාගෙන හිටියේ 20 ගැන කොටන්නේ නම් නැතිය කියාය. හැබැයි කොහේදෝ කැසිල්ලකට 20 ගැන ලියන්නට හිතුනේය.

වෙනදා වගේම ඉතිං සයිබරේ මඟුලක් කියපු සැනින් මං තුමා ගොයින් දැම්මේය. තනියම ඇවිත් ඩබල් යනවා කියා ටෝක්ස් දුන්නේය! ඒවා නම් හරි ගියේ නැත. කොහොමෙන් කොහොම හරි මරු පහේ දවසක් උනේය.

කලින් දවසේ නිකමට වගේ ළඟ පාත ඉන්න රන් ගොජා ට චැට් පාරක් දැම්මෙමි.

“මේ උඹ හෙට යනවා නේද? කොහොමද කීයටද යන්නේ?”

“බයික් එකේ යන්න ඉන්නේ බං. එක්කෙනෙක් එනවා කිව්වා ඉතිං ඩබල් දාල යන්නයි කල්පනාව”

“හාකෝ එහෙනම්”

ඒකත් ජය සිරි මංගලම් කිව්වට ආරංචි විදිහට රන් ගොජාට ඒ පාර්සවේ පොල්ලක් තියලා කියලයි ආරංචිය. නංගි පිටේ තනියම ආවයි කියන්නේ! ඒ කොල්ලෙක් කියන්නේ! ඒ කියන්නේ රජා ??????

අප්පේ පිට්ටනිය ඇතුලට එද්දී හෝ ගෑවිල්ලේ සෙනගය. ආපු ගමන් 200ක දත ගලවා ලක්ෂිතයා අතට දුන්නේය! අපිනං ඉතිං බැස්සේ ෆුල් සිරි ලන්කන් ඉස්ටයිල් එකටය. මෙන්න බොලේ බලද්දී සරම් සැට් එකක්ම ඉන්නවය. එක එකා සරම් කඩන්නට ට්‍රයි කොලත් අපේ උන් ඉතා සුක්ෂම පරිදි පටි භාවිතා කරමින් සරම් ආරක්සා කොර ගත්තෝය.

මතක හැටියට මුලින් ජාතික ගිය එහෙම ගයා දිවිල්ල තිබ්බේය! ෆුල් සිරි ලන්කන්ය! රජා, තරියා පුබුදුවා මංතුමා ඇතුළු අපේ සරම් බලකාය කණ්ඩායම් හැඟීම ප්‍රදර්ශනය කරමින් දුවන ලද්දේය!
සරම් බලකාය

බනිස් කෑම නම් හෙනම අසාධාරණය! යකෝ ඉතියෝපියාවෙන් ආව උන් කියලා හිතලාද කොහෙද කාන්තා පාර්සවෙට වෙනම බනිස් සමඟ අඩි හැට හැත්තෑවක ඉලිපුමක්ද ලබා දී තිබුණි රනා අයියේ වැරදියි ඕන් ඈ!!!
සයිලට් බස්සා සමගින් බස්සි අක්කා ඇවිත් හිටියේය! උඹලට කියන්න බොලව් ඒ අක්කා කෙල්ල දැක්කේ අවුරුදු 13 පස්සේ කියපන්කො!!! 

සත්සරයා කවුදෝ මන්දා කෙල්ලෙක් අමාරුවේ දමා තිබ්බේය! පව් අහිංසක කෙලි පොඩිත්ති! මොනා උනත් සත්සරයා හොඳ එකා! කවුරුත් ඌ ට මොතුත් කියන්නේ නෑ හරිද ඩො! (නැද්ද මල්ලි ;) )

නිමේසයා (පොඩි ඔටුවා) මං තරම් හයේ හතරේ ඩයල් එකක්ය! කාටද සන්තෝස ඈ!!

අර අඟහරුවාට කවුරු කවුරුත් සල්ලි සම්මාදම් කර කෝච්චියක් අරං දෙනවානම් මමත් හිඟා කාල හරි සම්මාදම් වෙනවාය! අන්වාර්යේන්ම ඕකා කසාද බදින්නේ කෝච්චි ඩයිවර් කෙනෙක්ගේ දුවක්ය! ඊට පස්සේ කෝච්චි පෙට්ටියක ගෙදරක් හදාගෙනඅර කොහේ හරි එන්ජින් කරකොන ටේබල් එකකට වී ඉන්නවාට කිසිඳු සැකයක් නැත!

රතට රතේ ඇඳගෙන දේවා කොල්ලා කාන්තා පාරසවේ සමඟ ඇවිත් තිබ්බේය! ඒකත් ජය සිරි මංගලම් කියන්නේ!

කුරුටු ගෑ පොතේ දිලිනි අක්කා නම් හරිම හොඳ පාටය! හිනා කටයි මල් අහුරයි ඈ!

ඉවාන් ගොයියා ඉතිං අපේ හිත හොඳ බුලට් එකය! මොක මොකා හෙම්බා කිව්වත් ජෙන්ට්ලිමන් මෑන්ස් ය! ගාලු කොල්ලා ඌ එක්ක වතුර පුරෝලා දිනපු එකේ කතෘ බාගය තාම ගෙව්වේ නැත! ඊළඟ සයිබරේ දිවත් ගෙවන්නට වෙනවාය. යකෝ නාඩියාගේ “පුනිල ක්‍රමය” සෙල්ලං තියරියක්ද යකෝ

අයිසා හෙවැහැ ටකරමි පැමිණි වහාම බුද්දදාස ක්‍රීඩාංගනය වට සිටි සියලු කපුටෝ පලා ගියහ. බල්ලෝ බලල්ල්ලු හිස ලූ ලූ අත දිව ගියෝය! ජේඩ් කොල්ලා විලි ලජ්ජාවෙන් සරමෙන් මුණ වසා ගත්තේය!

කකා මහත්තයා මටත් පොතක් දුන්නේය! “සිව් වසරක් මරදානේ” එකය! මේ ටිකේ පොත ටික ටික කියවනවාය! කොහොම හරි අදනම් කියවලා ඉවර කරනවාය! කාඩ් එකක් දුන්නු වෙලේ මං හිතුවේ ඩයලොග් කාඩ් එකක්වත් කියලාය! එහෙම එකක් උනානං හුරලා පෝන් එකටවත් දා ගන්නවාය!

 සෑම් ගොයියා තනියම සැපත් වී නිකම් තනිකඩ ගොයියා වගේ ඉන්ට ට්‍රයි කොලත් දුක් සීන් එක කියන්නේ කවුරුත් කෙල්ලෝ ඊට රැවටුනේ නැතිය. මොකෝ අර වෙඩින් වීඩියෝ එකේ මූ රඟ පෑ හැටි දැකලා අජුවටය!

සන්තෝසේ ට කාරණාව නලින් අයියාගේ තට්ටේ වැහෙන්න කොන්ඩේ ඇවිත් තිබීම උනේය! ආරංචි විදිහට යුරියා කිලෝ බර ගානක් ඊට වියදම් වෙලා තියනවාය.

ස්කුබියා මැරුණු බව ආරංචිය. කොට්ටා පොර ගහලා ඌ වැටුණු හැටියට මටනම් හිතුනේ හත් දවසක් සුවර් කියලාය!

පැට්ටා අයියාව වහාම එෆ් බී ඇයි එකට යැවිය යුතුය! මොකෝ එකා රෑ කොටු පැනීමේ ආනුභාවයෙන් ඇස් බැන්දත් අලියට ඇහැ තියනවාය. මුට්ටියට ගහනවාය. හැබැයි අර රෑට හීනෙන් රනිල් මහත්තයා පෙනිලා ඇහැ තියන්න කියපු එක ගැනනම් ටිකක් හොයලා බලන්න වටිනවාය.

සමියා දැන් බහින්නේ නිකම් නළුවා වගෙය! එදත් සුකිරි බටිල්ලන් කාන්තා පාර්සව දෙකක් තුනක් මන්දෝ කරගෙන ගොඩ බැහැලා තිබ්බේය! ඔහොම යන් පුතේ ඔහොම යන්.

සූදු මහත්තයා පව් ය. කවුරුන් හෝ උගේ අහවල් එක මෙව්වා කර ඇත! සුවනා අඩමින් “මම මොසිලා යනවා බං “ කියමින් චුත උනේය.

ප්‍රදීප් දොස්තර තැනගේ දැන් බඩ එහෙම දාලා ය. සෙල්ලං ද යකෝ සභාපති ගොයියා කියපුවහම! අපි නම් දෙයි අස් වෙන්න තොට!

මොනා උනත් එකම වගේ අනිත් එකා කෝරළේ ගොයියා පළමු වතාවට සෙට් විය. මඩ ගහන්න කියා හොම්බ දිග කැමරාවක් ගෙනාවාට බාගයක් සිරිසගබෝ නිසා පබ්ලිෂ් කොරන්ට දෙයක් නැතිව අඩමින් සිටින බව ආරංචිය. 

ඌ ත් එක්ක ආපහු යන ගමන්... 

“මේ උඹට ලයිසන් තියනවද?”

“තියනවා කියපන්..”
“ආ.. හෙනම් අවුලක් නෑ. මම මේ රේඩියෝ ලයිසන් එකෙන් වාහනේ එළවන්නේ”

ටිකකින්...

“උඹට ඉන්සුවරන්ස් එකක් තියනවද බං”
“තිබ්බා. කියපන්කො....”

“ආ ... එහෙනං කමක් නෑ මේකේ බ්‍රේක් නෑ බං”

අනේ බනියෝ පරිස්සමෙන් පලයන් මේකා එක්ක. දැන්වීමයි - දන්න කියන කිසිම එකෙක් කෝරළේ ගොයියා එක්ක වාහනේ නොයන්න.

දන්න කියන උන් ගොඩක් මීටර් උනි! නොදන්නා උන්ද මීටර් උනි! ඒ සයිබරේ හැටිය! මොනා උනත් සර්ට් එක එහෙම පංකාදු පහය! ඔර්ගනයිසර් ලා එලම කිරිය.

චන්දන අයියගේ වීඩියෝ එක මල් හතයි ගස් දෙකය!!!!! සුප්පාය.

හොඳ හොඳ සෙල්ලම් බලන්න හවස ඉන්ඩ උනේ නැති එකට දුකය. කරන්ට දෙයක් තිබ්බේ නැත. මහරගම බෝයිස් හෝම් එකේ IMCD Amuzed අවුරුදු උත්සවේට යන්න තිබ්බේය. පුළුවන් නම් සයිබරේ  අපිත් එහෙම දෙයක් කරමුකෝ ඈ! මේ ඒකෙ ඇල්බම් එකය.

පොටෝ දැම්මේ නැත. බුකියේ යමරෙට ඕනෑ තරම් ඇතිය!

එහෙමනම් ජය ඈ!!!!


Related Posts Plugin for WordPress, Blogger...