නාඩි සෙට් එක

Monday, October 29, 2012

"වැඩක්" කරමුද?


 සැප්තැම්බර් මාසේ පළවෙනිදා මම නාඩියා හිටියේ කුමන කැලේ මැද්දේ....සත්තු බලන්න කියලා දවස තුනක් විතර කැළැවල් ගානේ හිටියේ....ඔන්න මෝබයිලාවට මැසේජ් එකක් ආවා..මේ ගමන mobitel එකේ අක්කානෙවෙයි...ශාරුක් අයියත් නෙවෙයි..අමුතුම එකක්...

නාඩියා Youth fest 2012 ගියාට පස්සේ සමාජ සේවා වැඩකටයුතු වලට සම්බන්ධ උනානේ...ඔන්න ඒකට සම්බන්ධ එකක්...Needy Readers කියල IMCD එකෙන් කරන සමාජ මෙහෙවරක්ලු...එන්න ඒ වැඩපිළිවෙලේ volunteer කෙනෙක් විදිහට වැඩ කරන්න කියල තමයි මැසේජ් ඒක ඇවිත් තිබ්බේ..කොහොම කොහොම හරි...හොඳ දෙයක් නේ කියලා නාඩියා අතීසාර මිත්තර පොලොස් මාමත් එක්ක ඔන්න ඒ වැඩේට සෙන්ටිමෙන්ටල් උනා....

මල් කැකුලකටපාට දෙන්න කියලා නාඩියා කෙටුවේ ඔන්න ඔය ගැන...

එදා අපි ඉල්ලපු ඉල්ලීම් වලට ලංකාවේ විතරක් නෙවෙයි...ලෝකේ වටේම නාඩි වැටෙන මිනිස්සු හරිම පුදුමාකාර විදිහට ප්‍රතිචාර දක්වලා තිබුනා...එදාම මට කතා කරපු දැනට දුර රටකට ගිහිං ඉන්න මගේම ආදරණිය ගුරුතුමී ඒ පුංචි මල් කැකුළු වලට ලොකු පරිත්‍යාගයක් කළා...

බ්ලොග් ලෝකේ අපේ අයත් හරිම ලස්සනට  මේ සත්කාරයත් එක්ක පෙළ ගැහුනා...BMICH එකේ පොත් ප්‍රදර්ශනේට ආපු red riding hood, ධරණී, මනියා,හිරුහිමාවී, සැගියා වගේ ගොඩක් කස්ටිය Needy Readers කස්ටියත් එක්ක එකතු උනා...(නාඩියා හොරෙන්ම කස්ටිය එනවා බලාගෙන හිටියේ ඈ! ;) ) ධරණී ළමයා එයාම ලියපු පොතක් ගෙනත් දුන්නලු ඔන්න..ඒක අලංක්රුතයි ඈ!

ඔක්තෝම්බර් මාසේ 5 වෙනිදා හංවැල්ල තුන්නාන ශ්‍රී සුමනජෝති ඉස්කෝලේ පොඩි පහේ උත්සවයක් තියලා ඒ පුංචි මල් කැකුළු වලට පොත් බෙදා දුන්නා...ලංකාව පුරා ඉස්කෝල..පුස්තකාල...සංස්කෘතික මධ්‍යස්ථාන...මේ වගේ තැන් වලට Needy Readers අපේ කස්ටිය බෙදා දුන්නු පොත් ගාන 12,000 ත් පැන්නුවා! ඒ ඔක්කොම ඉතින් නාඩි වැටෙන ඔයාලගේ අතින් දන් දීපු පොත්!

හැමෝටම එහෙනම් ඔන්න ස්තූතියි කිව්වා... :)

ඔන්න SundayTimes එකෙත් අපි ගැන ලියල තිබුනලු ඈ!ෆොටෝ එකේ හරිම ලස්සන කොල්ලෙක් ඉන්නවා නාඩියා කියල! ස්වාධිනරුපවාහිනියේත් අපි ගැන නිව්ස් එකක් දැම්මලු..

 ආයේ කියල වැඩක් නෑ...Volunteer team එකත් හරිම ආතල්! පිස්සු බම්ප් වෙච්ච ජනතාවකගෙන් සැදුම් ලත් හරිම අපූරු කණ්ඩායමක්! වැඩ කරන ගමන් පිස්සු කෙලින්න දන්නෙම නෑ!

ඔයාල අපිට භාර දීපු පොත් ඔක්කොම වගේ අපි එකතු කෙරුවේ බොරැල්ලේ මැගසින් ඒක ඉස්සරහ තිබිච්ච අපේ උපාලි අයියගේ බෝඩිමේ...බෝඩිමේ ඉන්නේ හතර දෙනෙක් උනාට ඒ මාස දෙක තුනේ හැමදාම හය හත් දෙනෙක් බෝඩිමේ නයිට ගහනවමයි...වහලේ ළඟටම ගොඩ ගැහිච්ච පොත් ගොඩවල් අස්සේ කාඩ්බෝඩ් එලාගෙන නිදා ගත්ත හැටි...දෙමටගොඩ නයිට් කඩේ නිදා ගත්ත හැටි....සතුට වැඩිකමට ගල්කිස්සේ මූදට පැන්න හැටි... NRPL 2012 වගේ හරිම ලස්සන මතකයන් ගොඩාරියක් මේත් එක්ක එකතු උනා..

ඔන්න ළමයිනේ Needy Readers 2013 ත් තියන්නයි අපේ ලෑස්තිය! ලංකාවේ දුර ඈත පළාත් වල අපේම නංගිලා මල්ලිලා ගොඩකට පොත් පත් බෙදා දෙන්න අපි හිතාගෙන ඉන්නවා..


අපිත් එක්ක එකතු වෙන්න කැමතිනම්...රටට සමාජෙට සේවයක් කරන්න ඕනේ කියල හිතෙනවනම්..... Needy Reader 2013 Volunteer Team එකත් එක්ක එකතු වෙන්න ඔයාටත් පුළුවන්...



වැඩි විස්තර ඕනෙනං නාඩියා අතමන්නකෝ ඈ... :)

Wednesday, October 24, 2012

අප්පේ..මේ ජංගි මෝස්තරේ !


ඊයේ මහා රාත්තිරියේ නාඩියා නිකමට වගේ ට්විටර් කුරුල්ලත් එක්ක කතා බහක් දාන්න කියල ලක ලැස්ති වෙනකොට පිස්සු බම්ප් වෙන සිද්ධියක් ඒ පැත්තේ වෙනවා! අපේ ජනයා එකතු වෙලා හෙළුවෙන් සිංදු කියනවා..පට්ට පට පට ඈ! 


මතක විදිහට රත්ගමයා කොල්ලත් මිට ඉස්සරලා ට්විටර් පැත්තේ වෙච්ච මේ වගේ ආතල් කේස් එකක් බ්ලොගේ ලියලා තිබ්බා..මේ තියෙන්නේ ඒක...

ඔන්න ඊයේ රාත්තිරියේ ජනතාව පිස්සු වට්ටපු ඒ අජපල් ගීත නාම සෙට් එකෙන් ටිකක්...



ඒක චුට්ටං වචනයක්! කැප කිරීමක් නෙවෙයි - Sacrifice , Elton John


අපි උඹව ගල් කරනවා - We will rock you, Queen


මම තනි වෙච්ච කැඩිච්ච සුරංගනාවියක් - Broken Angel, Arash


හෝටල් කාමරේදී මාව හම්බවෙයන්! – Hotel room, Pitbull


එක දෙක තුන හතර...මම දන්නවා උඹට මාව ඕනේ කියලා - I know you want me, Pitbull


පපු කැවුත්ත සල සල ගායි - My heart goes.., VengaBoys


කවුද යකෝ බල්ලෝ ලෙහුවේ?? – Who let the dogs out? - Baha men


හාද්දකින් මුද්‍රා තබා - sealed with a kiss – Jason Donavan


සූකිරි කඩේට එක්කන් යන්නම්..ලොලි පොප් කූරක් උරන්න දෙන්නම් - Candy Shop, 50Cent


පොම්ප කරපන් තව සද්දෙන් - pump it, Black Eyed Peas


මා ඔබට නොදුන් සැප ඈ ඔබට දෙත්වා - Adele


ඒක උරපන් ! – Smack That, 50Cent


ඉන බොරු කියන්නේ නෑ - hips don’t lie, Shakira


වමට අයියන්ඩි වමට - To the left, Beyonce


මෙහෙමත් *කක්‌! - Ass Like that, Eminam


ඒ මම නෙවෙයි - It wasn’t me, Shaggy


දෙයියෝ දනී මම නොදනී - Only god, Kid rock


උඹ හිමින්ම පපුවත් එක්ක සෙල්ලම් කරනවා - Quick playing games, BSB


මෝඩයෝ දුවගෙන එතැයි පණ්ඩිතයෝ කියති - Elvis Presley


ලස්සන බොරුකාරයා - Beautiful Liar, Betonce ft Shakira


තවම බඩු පැකට් උනේ නෑ - It’s not over, Daughtry


ආයුබෝවන්..මේ කැලිෆෝනියා සයිවර් කඩයයි! - Hotel California, Eagles


උඹ මොකා උනත් මට මොකෝ?? – I don’t care who you are!, Grace Chang


මේ ඇස් දිහා බලං -Look me in my eyes, Jonas Brothers


මී හරක් සොල්දාදුවා - Buffalo Soldier, Bob Marley


මට හීනයක් තියනවා - I have a dream, ABBA


ඔයා මගේ හුස්ම හිර කරනවා - Shayne Ward


*ක ආයෙත් ගෙදර ගෙන්න - Ass back home, Gym Class Heros


හිතුවෙවත් නැති දවසක..හිතන්නැතිවම ලං උනා - We found love – Rihanna


අම්මට හුඩු!පට්ට බැල්ලි - Sexy Bitch, Akon


කළුද සුදුද මට අදාළ නැත -Black & White , Michael Jackson


පොල් ගහ යට අපි හිටියේ - Coconut tree, Mohombi


උඹ හරිම ලස්සනයි නංගියේ - Beautiful, Akon


වටේ ගියපු එක ආයේ එනවා ! – Justin Timberlake


මගේ හදවත ස්ටීරියෝ බං - Stereo Hearts, Gym Class Heros


එකයි, දෙකයි තුනයි..උන්නා පැන්නා අන්න මරියා - Ricky Martin


ඇය මුළු රෑ පුරා මාව හෙල්ලුවා! - ACDC


මට උඩින් වැහැපන් - Rain Over me, Pitbull


උඩහ හන්දියේ කෙල්ල - Uptown girl, Westlife


කන්නාඩියේ ඉන්න මිනිහා - Man in the mirror, Michal Jackson


ඔව් ඔව් බබෝ මම හිතුවේ උඹ මගේ කියලා යේ යේ.. – Baby, Justin Beiber


බබෝ තව එක සැරයක්! – Baby one more time, Britney


හාමිනේ හාමිනේ මේ පාර දකුණු අප්‍රිකාවට ඈ! – Wakka Wakka, Shakira


රම්පා රම්පා මිනිහා බිම! - Shot a man down, Rihanna


අප්පේ..මේ ජංගි මෝස්තරේ - Gangam Style, Psy


කොහොමද වැඩේ????

නාඩි වැටීම නතර වෙන තුරු බිම පෙරලි පෙරලි හිනා වීමට මේවා Tweet කොරපු හැමෝටම නාඩියාගේ ප්‍රමාණය(ප්‍රණාමය) ඈ!

ඔක්කොම ටික බලා ගන්න ට්විටර් කුරුල්ලාගේ #SinhalenLyrics අත්ත බලන්නකෝ ඈ!




ලයික්  එකක් දාලම යමු ඈ!
H

Tuesday, October 16, 2012

ලව් පලහිලව්


කාලෙකට පස්සේ නාඩියා ඔන්න නාඩියක් කොටනවා!මේ ටිකේ එක එක වැඩ සෙන්ටිමෙන්ටල් වෙලා තිබ්බනේ!NeedyReaders කස්ටිය අහනවා කස්ටියගේ මඩ ෆයිල් ටික එලියට දාන්නේ නැද්ද කියල..ඉන්න සුදෝ ටිකක් ඉවසලා...ලඟදීම දානවා..
ඔන්න අද නාඩියා පඩි ටෝක් එකක් දෙන්නයි ලෑස්තිය ඈ!  “මම ඔයාට ආදරෙයි” කියලා අත්දැකීම් අඩුම සයිඩ් එකක් ගැන කෙටුවනේ..අද නාඩියත් ඒකට ටිකක් සම්බන්ධයි ඈ...
මේ නාඩි සෙට් එකේ නාඩි වැටෙන කස්ටිය ඔන්න ඔය කියන සබ්ජෙක්ට් එක සම්බන්ධයෙන් ගත්ත experience ටිකක්! (මේක ලියන්නේ දෙතුන් දෙනෙක්ගේ ඉල්ලීමක් උඩ ලු හරිය...)
සාමාන්‍යයෙන් තරුණ ගැටව් ගැටිස්සියෝ කියන්නේ ආදරේ කරන්න ඕනේ වයසේ ඉන්න ආදරේ ලබන්න ඕනේ වයසේ ඉන්න කස්ටියනේ...ඒ අපි ඈ! Love කරන එක වැරැද්දක් නෙවෙයි...ඒක මානුෂිය අයිතියක්ලු ඈ!හැබැයි කේස් එක කියන ලව් ඉලව් වෙන එකනේ! 
ඔන්න එක ඩයල් එකක් නාඩියාගේ හෝඩි පොතේ “සාමා එන්න මල් කඩන්න” කාලේ යාලුවෙක්!මහා විභාගේ කොරද්දීත් එකම පන්තියේ හිටියේ...මේ ඩයල් එක 8 වසරේ ඉදන් වගේ පොඩි මෙව්වා එකක් තිබ්බා..ගෑනු දැරිවිත් හිටියේ මේ පන්තියෙමයි... හැබැයි අවාසනාවට ඇත්ත කතාවක් කියන්නේ ඒ ළමයා අර අසරණ පිරිමි දරුවට කැමති නෑලු! L ඌ ඉතිං මොනවා උනත් කෙල්ලට බොක්කෙන්ම ලව්! අපිත් ඉතිං ඒ කාලේ කරන්නේ මූව පොඩ්ඩක් අවුස්සලා මුගේ ලව් ස්ටෝරිය අහගන්න එක! J හරිම අලංක්රුතයි!
ගෑනු ළමයව මතක් වෙන්න කියල මේ ඩයල් එක මරු බඩු සෙට් එකක් තාම පරිස්සම් කරගෙන ඉන්නවා!
  • අර ඔටෝ බුක් කියන එකක පොඩි යතුරක්(කෙල්ලගේ එකේ යතුරලු!)
  • ලේන්සුවක්(දීපු එකක් නෙවෙයි!වැටිලා තිබිලා අහුලා ගත්ත එකක්!)
  • උප්පැන්න සහතිකේ කොපියක්!(කොහොම ගත්තද කියල කියන්නෙත් නෑ!)
ඒක නම් ඉතිං සුන්දර අහිංසක ආදර කතාවක් ඈ!
ඊලග සිද්ධිය උනේ නාඩි සෙට් එකේ තවත් එක බොක්කියක්ට!(බොක්කි = බොක්ක හෙවත් බුදු ෆිට් එකේ ගෑනු සතා) මේ දැරිවිත් ලස්සන ආදර කතාවක් හෙමෙන් හෙමෙන් ලියාගෙන යද්දී කොහොම හරි ලව් එක ඉලව් උනා! පවු ඉතිං අර අසරණ කෙල්ල බොක්කෙන්මලු ලව් කලේ! (බොක්කෙන් ලව් කරන්නේ කෙසේද යන්න තාම නාඩි විද්‍යාගාරයේ පරීක්සන මට්ටමේ පවතින මෙව්වා එකකි!) දැන් ඉතිං මේ කෙල්ල හොඳටම මෙන්ටලි වැටිලාලු!(ඕවා දන්නේ ඉතිං ප්‍රදීප් අයියා තමයි!) කොලු නර පණුවා අතමක කරන්නම බැලූ! දුක නැති කර ගන්න කියල ගෙදර තිබිච්ච ගල් බාගයක් සැන්ටින් වත නොකර හොරෙන්ම ගහලා!!
අප්පේ විහිළුවටවත් මෙහෙම දේවල් නම් කරන්න එපා ඈ! ජිවිතේ හැමදාම අපේ ලගින් ඉන්න අම්මයි අප්පච්චි ගැනයි හිතන්න..ඒ දෙන්නට කවදාවත් දුකක් දෙන්න එපා.
ඊළඟ සිද්ධියට සම්බන්ධ ජෝඩුවම නාඩියාගේ ගජයෝ! නාඩියා සියවසේ හොඳම ලව් කපල් එක විදිහට මේ දෙන්නා නොමිනේට් කරලා එහෙම තිබ්බේ! හත් ඉලව්වට ගහපු කලාබරේ කියන්නේ බලපුවහම මුන් දෙන්නගේ හඳහන් ගැලපෙන්නේ නෑලු! හොඳටම අපලයිලු! දෙන්නා වෙන් උනා...හැබැයි තාමත් ඒ දෙන්න ඒ දෙන්නටත් හොරෙන් අනිත් එකා ගැන හොයා බලනවා...(මේ ළමයා කිව්ව විදිහට ඒ ආදර කතාව ලියන්න ගියොත් ඒක නවකතාවක් වෙනවා!)
බලහන්කො ග්‍රහයෝ ටිකක් කරපු වැඩක්!
තව මේ වගේම සිද්ධිමන්ට් එකක් උනා නාඩියාගේ අතීසාර මිත්තරයෙකුටත්! ඒ යකාට කවුද හිත දියුණු කරලා කියන මනුස්සයෙක් කියල දැනට සම්බන්ධෙ පවත්වන එක්කෙනාගෙන් අපලයි කියල! දැන් ඒ ඩබලත් වෙන් වෙලා! පවු ඈ!
සමහරු කියන්නේනම් “අපි පුවක් ගහකට නැග්ගත් ඒකෙත් දෙබලක්!” කියල....බලං ගිහාම දෙන්නට දෙන්නා හරියට තේරුම් අරගෙන ලස්සනට ස්ටෝරිය අරං යන්නේ කීයෙන් කී දෙනාද නේද?
නාඩියා ට නම් ඔය ලව් පලහිලව් තිබිලා නෑ...සත්‍ය කතාව කියනවනම් ඔය ක්‍රෂ් කියන එව්වා නම් දෙක තුනක් තිබිලා තියනවා...
කොහොම කොහොම හරි බලං ගිහාම මේකත් මහා අමුතු ලෝකයක් නේද බොලවූ...



ලයික් එකක් දාලම යමු ඈ...

Monday, October 1, 2012

එකුන් විස්ස(21+)



නාඩියා නාඩිරත්න නම් වූ ඒ ජීවියා මෙලොවට පහළවී අදට වසර විස්සකුත් තවත් වසරක් පසු වී ඇති බව විශ්වාස කටයුතු ආරංචි මාර්ග මඟින් දැනගන්නට ලැබී ඇත!

මේ අති උත්කර්ශවත් අවස්ථාවේ නාඩි පැලේ ඉදිනු කිරිබතක හා කට සූස් ගා දාල යන ලුණු මිරිසක රස බැලීමට සකල ලෝ වාසි නාඩි ප්‍රිය ජනයාට ගෞරව බහුමානයෙන් යුතුව ආරාධනා කරමු!

කිරිබත් හා ලුණුමිරිස් වළඳා යසට ඉදුණු කෝලිකුට්ටු ගෙඩියක්ද වලදනු යහපති!

දින 7670 (365*21+5) මුළුල්ලේ නාඩි වැටෙමින් ජිවත් වූ ඒ සත්වයා තවත් චිරාත් කාලයක් නාඩි වැටෙමින් ජිවත් වීමට කැමැත්තෙන් සිටින බව ලෝ වාසි ජනයාට මෙසේ ප්‍රකාශ කරමු!

පහුගිය  මැදියම් රෑ මට සර්ප්‍රයිස් ද මොනවදෝ දෙන්නට ගොස් මාගේ ජිල්මාට් එකකින් ජල්තර් වූ අහිංසක මිනිස්සු හා ගෑනු ළමයින්ටද, බුකියේ මාගේ බිත්තියේ කුරුටු ගෑ කස්ටියටද නාඩියා දයාබර ප්‍රමාණය පුද කර සිටි!!!!


එල ඈ!!!!! යකෝ මට දැන් 21 යි!!!!!!!
Related Posts Plugin for WordPress, Blogger...