ඔත්තු දෙකක්!

ඔත්තු දෙකක් කණේ තියන්න කියලයි ඔන්න නාඩියා හදන්නේ!

පලවෙනි ඔත්තුව නම් කස්ටිය දන්නවත් ඇති...

අපි හැමෝම සයිබරේට එකතු පහදු වෙච්චි උදවිය වෙච්චි සමාජ ජාල එක්ක ඉතිං හැමදාමත් සහ සම්බන්ධයිනේ.. කවුරු මොනවා කිව්වත් ඒක අපේ ජිවිතේ කොටසක් වෙලා ඉවරයි. හැබැයි කොරන්න ඕනේ දේ තමයි ඒ දේ හරියට පාවිච්චි කරන එක. දැලි පිහියෙන් උනත් කිරි කෑවොත් කිරි රහයි. 

ඔන්න එහෙනම් Social Media Day එකක් ගැන මේ කියන්න යන්න. ලංකාවේ තෙවැනි වරට පවත්වන්න යෙදෙන Mashable Social Media Day ( #SMDayCMB )එක ඔන්න මේ මාසේ ඒ කියන්නේ ජුනි මාසේ 29 වෙනිදා පවත්වන්න කටයුතු ලක ලැස්ති වේගන යනවා. 

සමාජ ජාලකරණය කොහොමද අපේ සමාජයට බලපාල තියෙන්නේ.. මොන වගේ දේවල් ද වෙනස් වෙන්න ඕනේ වගේ කරුණු කාරනා වගේම හැබෑවටම දැක්ක නැති හැබැයි සයිබරේ නිතර අහන දකින මූණු ගොඩක් බලා හදාගන්නත් එදාට එකතු උනොත් පුළුවන් වේවි...

උඩ තිබිච්ච ලින්ක් එකෙන් ගිහිං එහෙනම් විස්තර සබ්බ සකලමනාවම බලාගන්නකෝ...

ඒත් එක්ක ඔන්න ජන්දේ දාන්නත් පුළුවන්...

මෙන්න මේ ලින්ක් එකටගිහිං ජන්දේ දාල ආවනම් හොඳයි...

ඔන්න මෝස්ට් පොපියුලර් බ්ලොගර් එහෙමත් තෝරනවා කියන්නේ.... ;)

ජුනි 29 තමයි දවස...

කොහොමෙන් කොහොම හරි එදාට නාඩියාට නම් එන්න වෙන්නේ නෑ! (සාදු කියපල්ලා ඉතිං)

ගොඩ ගැහිච්චි වැඩ කඳු අස්සේ නාඩියා ජුනි 20 රට අත ඇරලා යන්නයි සුජානම.. පාටි නෑ බොලව්! සති පහ හයකින් ආයේ එනවා!!

 ඇමරිකානු රජයෙන් ලැබිච්චි ශිෂ්‍යත්වෙකට නාඩියා මේ විසි වෙනිදා ඔබාමා මාමාගේ රටට ගච්ච්නවා...... සියැටෙල් නුවර වොෂින්ටන් සරසවියේ “New Media & Journalism” ඒ කියන්නේ ඔය සමාජ ජාල භාවිතය ගැන එහෙම ඉගෙන ගෙන එන්නයි නාඩියාගේ කල්පනාව. 

එහෙනම් මාස එක හමාරකට දෙකකට විතර බොලාගේ බ්ලොගී වල කොමෙන්ට් එහෙම නැති උනොත් දුම්මල වරම අතට අරං බනින්න එනවා එහෙම නෙවෙයි!

ඉස්පාසුවක් ලැබුන ගමන් එහෙ විස්තර ටිකකුත් කොටන්නම්කො එහෙනං....

ඔය පැත්තේ ඉන්න එකෙක් එහෙම ඉන්නවනම් නොම්බරේ එවපන්.. ඇවිත් පෝන් කෝල් එකක්වත් දෙන්නම්කො.... දෙවැනි ඔත්තුවත් ඔන්න දුන්නා!

එහෙනං....   

එදා රෑ..... ගුවන් තොටුපොලේදී මා........