නාඩියා හිරේ යයි! (16+)

එක දිගට පොස්ට් දාල දාල නාඩියා විකාර ටොපික් ගොඩක් කතා කරද්දී වොර්නින්ග්ස් ආවා “පරිස්සම් වෙලා ඉදපන්!!!සුදු වෑන් එකක්වත් ගේ ඉස්සරහ නවත්තයි කියලා”! ඔන්න එහෙනම් හීනේ හැබෑ උනා! නාඩියා හිර ගෙදර!

හී..ආසයි නේ...!!! 

නෑ යකුනේ තාම නෑ!නාඩියා යහතින් ස්ට්‍රයික් සුවවිදිමින් ගෙදරට වෙලා ඉන්නවා!හැබැයි අද කොටන්න යන්නේ මහා උළු ගෙදර විස්තරයක්!!

නාඩියා ගෙදර හිටපු ටිකේ ඔය එක එක අහු මුළු වල් රිංගන්න ගියානේ...ඔය යන ගමනේදී එක එක ආකාරයේ නාඩි වැටෙන ගෑනු මිනිස්සු හම්බෙන්න පුළුවන් උනා... 

AL කරන කාලේ නාඩියාට සෙට් වෙච්ච සුපිරි කඩයක් තියනවා **** බස් ස්ටෑන්ඩ් එක පිටිපස්සේ...හැබැයි ගොඩක් මිනිස්සු එතනට යන්නේ නෑ...ඒක ඉතින් කඩයක් කිව්වට කඩයක්ම නෙවෙයි...ලෑලි ගහලා ඇතුලේ පුටු දෙක තුනක් තියාපු පොඩි කාමරයක්! ඇතුලට ගියාම මොකුත් පෙන්නේ නෑ!ඒ තරම් මීදුම!මාර පිරිසිදුකමක් තියෙන්නේ!කොච්චරද කිව්වොත් ටැප් එකක්වත් නෑ!හැබැයි එතන තියෙන තරම් රස බිත්තර බනිස් හිල්ටන් එකේවත් නෑ!

ඔතනට එන්නේ සාමාන්‍යයෙන් සමාජයේ පහත් යැයි සම්මත කරගෙන තියෙන මිනිස්සු !(හැබැයි නාඩියා නම් කවදාවත්ම එහෙම කියන්නේ නෑ!!!!!) නාට්ටාමිලා...කුණු කරත්තේ ගෙනියන අය...ඔය අතරේ එතනට එන්න පුරුදු වෙච්ච මරුම කස්ටියක් ඉන්නවා!ඒ මහඋළුගෙදර ජිවත් වෙලා පොඩි නිවාඩුවකට එලියට ඇවිත් යන්න ආපු ඩයල්!!!

ඔන්න ළඟ පාත දවසක නාඩියා මේක ඇතුලට වෙලා බිත්තර බනිසයක් කකා ඉන්නවා...මනුස්සයෙක් ඇවිත් එහා පැත්තේ තිබිච්ච ප්ලාස්ටික් බංකුවේ වාඩි  උනා...ගත්තා ආසිරි බීඩියක් !දැන් හෙමින් හෙමින් දුම පිට කරනවා...ටිකකින්..

“මල්ලි..අදිනවද උගුරක්‌?”

“නෑ..අයියේ..පාවිච්චියක් නෑ...”

“අන්න එල කොල්ලෙක්!පුරුදු වෙන්න එපා බං ඕවට!අපි වගේ නාස්ති වෙන්න එපා!මේ ඇතුළේදී බං මටත් මේ මඟුල හුරු උනේ..”

නාඩියා පොඩ්ඩක් මිනිහට ඉන්ටරස්ටින් පාර දානවා වගේ පෙන්නුවා!

ඩයල් ඒක දැන් සිරා මනෝ පාරක් ගහගෙන ටෝක් එකක් දෙන්නයි ලෑස්තිය!

“මෙහෙම හිටියට කොල්ලෝ මං මිනිමරුවෙක්!”

පිස්සු බම්ප් වෙනවා ඕයි!!නාඩියා මිනිමරුවෙක් එක්ක සම්මුඛ සාකච්චාවක්!

“නෑ බං!ඒක විතරයි මට කරන්න තිබුන එකම දේ!මම මගේ අයියගේ ගෑනිව මැරුවා!එකී පට්ට ***ක්!මගේ අයියා ඉන්නේ රට..ඒකා අවු කාස්ටකේ දහ දුක් විඳලා එවන සල්ලි වලින් ඒකි මෙහෙ මිනිස්සුත් එක්ක ජෝගි නටනවා!!මට ඉවසුවේම නැත්තේ මල්ලි අයියගේ පොඩි කෙල්ල නිසා බං!ඒ අම්මණ්ඩි හින්දා අර අහිංසක කෙල්ල නාස්ති වෙනවා මට බලාගෙන ඉන්න බැරි උනා බං!”

“හා..උඹම කියපන් මම ගත්ත තීරණේ වැරදිද?ඒ  **යොන්ව කොට්ටේ තියලා නලවන්නද බං ඕනේ?”

“හ්ම්ම්....”

ගෙදර තිබිච්ච මන්නේ අරං ගිහින් කෙටුවා ඔලුවටම!පස්සේ පිහියත් එක්කම ගිහින් පොලිසියේ භාර උනා!ඇතුලේ හිටියා දැන් මාස තුනක්!ඇප පිට එළියේ ඉන්නේ..නඩුව මේ මාසේ ** දා ..

“ඇතුළ මෙහෙට වඩා මරු ඕයි!!ආයේ යන්න හිතෙනවා!උඹ ගිහින් තියනවද?”

(යකෝ නාඩියාගේ අහිංසක මුණ දැක්කහම එහෙම හිතෙනවද මං අහන්නේ.....)

"නෑ අයියේ...."

ඊට පස්සේ ඩයල් එක මට පට්ට විස්තර ටිකක් කිව්වා..ඒවා මේ කොටන්නේ ඇතුලට හදිස්සියෙවත් යන්න උනොත් කෝකටත් දැනගෙන ඔන්න එක හොඳ නිසා!

මහඋළුගෙදර හිරකාරයෝ සෙට් දෙකයිලු!එකක් සැකකාරයෝ(අර මාත් එක්ක කතා කරපු එකත් සැකකාරයෙක්!) අනිත් සෙට් එක අච්චු කාරයෝ!(ඒ කියන්නේ වරදකට උසාවියෙන් දඬුවම් ලැබිච්ච කට්ටිය)

අච්චුකාරයොන්ව හිරේ ඇතුලේ එක එක වැඩ වලට දැම්මට (ඒවාට කියන්නේ “පාටි” කියල... “කුස්සි පාටි”.....එහෙම එක එක ඒවා තියනවා..) සැකකාරයෝ මේවට දාන්නේ නෑලු!නිකම්ම ඉන්නලු තියෙන්නේ!මරු නේ!

නාඩියා එක්ක කතා කරපු ඩයල් එක වැටිලා තියෙන්නේ “මෝරා” වාට්ටුවකට! ( ඒ කියන්නේ ටිකක් හයි ෆයි ඩයල් ඉන්න එකකට!)  ඒකෙ ඉඳල තියනවා නිදන් හොරකම් වලට අහුවෙච්ච හමුදාවේ මහතැනක්...ප්‍රසිද්ධ පන්සලක හාමුදුරු කෙනෙක්....ඔන්න ඔය වගේ ලිස්ට් එකක්!

“මල්ලි..අපේ ***ට (හමුදා නිලයක නමක්) ඉරිදට ගෙදරින් විසිට් එක හම්බෙනවා 25,000 ක විතර බඩු!වතුර බෝතලේ ඉඳන් ඇතුලට එනවා!

ඔන්න වැඩේ!මේවා මෙහෙම එන එක නිතිවිරෝධිද නැද්ද කියල මමනං දන්නේ නෑ...

තව මරුම කතාවක් මට මගේ අලුත් මිත්තරයා කිව්වා!

“කොල්ලෝ ඇතුලේ පට්ට බිස්නස් එක තමයි ලහිපිට බිස්නස් එක!”

“ඒ කිව්වේ අයියේ..”

“ලහිපිට කොළ වලින් වේලලා කුඩු කරපු දුන්කොල ඔතලා ඇතුලේ හදනවා ලෝකල් එකක්!!විටමින් කුරු වලටත් වඩා මාකට්! මම කලේ ඇතුලට එන පත්තර ඔක්කොම එක්කහු කරල ඒවා කොලේ කොලේ විකුනපු එක! ලහිපිට පිටු දෙකක් රුපියල් 20 දීලා අරං යන වෙලාවල් තියනවා බං!”

නාඩියාට ඔක්කොම අත ඇරලා ඇතුලට යන්න හිතුනා!!!!

ප.ලි  - මොනවා උනත් හිරකාරයෝ කියන්නෙත් අපි වගේම මනුස්සයෝ...හුගක් වෙලාවට ඒ අය ඇතුලට යන්නේ සමාජයේම වරදින්!ඕනේ තරම් වැරදි කාරයෝ එළියේ යහතින් වැජබෙනවා!කුඩු මුදලාලි ප්‍රාඩෝ එකේ යද්දී කුඩු කන හැන්දක් විකුණපු එකා ඇතුලේ!

ඔන්න ඕක තමයි අද තත්ත්වේ ඈ!අනිත් එක අපරාධ කරන කෙනාගේ මානසික තත්ත්වේ!ඒ ගැනනම් මම දන්නේ නෑ! ප්‍රදීප්අයියගෙන් තමයි අහන්න ඕනේ! නැත්තනම් අර හොඳට හිටපු මිනිහෙක් එක පාරට තමන්ගේ අයියගේ භාර්යාවට මන්නෙන් කොටයිද??

සමහර ජේලර් ලා....කාකි සූට්...ගැන කතා නොකර ඉමු නේ!මොකෝ කතා කරලා වැඩක් නෑනේ!!!

 (16+ කියල දැම්මේ දුම්කොළ හා මධ්‍යසාර පනත නිසා ඈ!මොකෝ නිස්කාරනේ දඩගෙවන්න බෑනේ)

අඹ කෑලි...

බස් රේඩියෝ බ්ලොග් සතිය ඔන්න ඉවර වෙන්නයි එන්නේ...අද නාඩියා කොටන්න කියලා හිතුවේ ඊයේ කොලොම්පුරේ යන වෙලාවේ දැකපු සිද්ධියක්..මීගමුවෙන් හවස කෝච්චියට ගොඩ උනා  කොටුවට එන්න...

රාගම පාස් කරලා ටිකක් දුර එද්දී..පෙට්ටියට අන්ධ මිනිහෙක් ගොඩ උනා......සුදු සැරයටියක් අතේ තියාගෙන හිටියත් එයාගේ දුව දෝ කොහෙද කණ වැල ඇල්ලුවා...තමන් ගෙනාපු බෑග් මල්ල බිමින් තියපු ඒ මනුස්සයා සාක්කුවෙන් බට නලාවක් ඇදලා ගත්තා...ටිකකින් මුළු කෝච්චි පෙට්ටියම ඒ බට නලාවෙන් පිට වෙච්ච ස්වර හතෙන් පිරිලා ගියා...

මිනිස්සු අතේ ගුලි වෙච්ච දහයේ කොළ..විස්සේ කොළ...පහේ කැට මනුස්සයා අතේ තිබ්බ ටින් එකට එකතු උනා..

ටිකකින් මනුස්සයා ඉඳ ගත්තා...ලුණුයි මිරිසුයි දාපු විස්සේ අඹ කෑලි මලු එල්ල ගත්ත මිනිහෙක් පෙට්ටියට ගොඩ උනා...

“අනේ තාත්තේ.....ටෙස්ට් අඹ මල්ලක්.....”

අන්ධ මනුස්සයා එක්ක හිටිය පුංචි ගෑනු ළමයා තැඹිලි පාටට දිලිසෙන අඹ කෑලි දිහා කෑදරෙන් බලාගෙන කෙඳිරි ගෑවා...

අන්ධ මනුස්සයා ගොළු උනා..

කෝච්චියේ හිටිය මිනිස්සු....

“අපි මුන්ට සල්ලි දෙන්නයි..මුන්ට අඹ කන්නයි!”

 කියල මුණු මුණු ගානවා නාඩියාට ඇහුනා....

ඒත්...අනේ මන්දා....නාඩියාට මොකක්දෝ අමුත්තක්  හිතුනා...

 - - -

ඔන්න අදට එක දිගට දවස් හතක් නාඩි කෙටුවා! ලේසි පහසු වැඩක් නෙවෙයි ඔන්න කලේ ඈ!කස්ටිය දාපු කොමෙන්ටු...ලයිකු වලින් තමයි නාඩියා හයිය ගත්තේ...

ඔන්න පහලින් ලින්කු ටික ඔක්කොම දැම්මා...කස්ටියට හිතෙන දේ...ගල්.....මල්...මුල්...ටික අදත් කොටලා යන්නකෝ...

බස් රේඩියෝ බ්ලොග් සතියට එක දිගට කොටපු නාඩි...(අද කෙටුවේ හත්වෙනි එක ඈ!)

 

01.  අනේ අනිච්චං

02.  අල ගෝනි හානයිස් බුරි(18+ නොවේ)

03.  පඩ සරත්!!! 

04. මං ෆොටෝජෙන්ක්!!! 

05. "සිරිමලී" ඈ ජුකී කෙල්ලකි. 

06.කවුද යකෝ මෙච්චර ලොකු ** දාපු එකා??

ඔන්න එහෙනම් නාඩියාත් පොඩි නිවාඩුවක් ගන්නවා ඔන්න...වැඩ කන්දක් ගොඩ ගැහිලා තියනවා කොරන්නත්!

අලුත් රසබර ජෝලිබර හැගීම්බර නාඩියක් එක්ක ළඟදීම අනිවා එනවෝ!!!

ලයික්  එකක් දාලම යමු ඈ...

කවුද යකෝ මෙච්චර ලොකු ** දාපු එකා???

අල ගෝනි හානයිස් බුරි එකේ කාගේදෝ ෆොටෝ කෑල්ලක් දාල අටම්පහුරා කිව්වා සුදු වෑන් එකක් එයි පරිස්සමෙන් හිටපන් කියල..පඩ සරත් කොටපු වෙලේ අවතාරයා කිව්වා “US ARMY ඒකෙන්  තෝව උස්සනවා අනිවා!”  කියල...එහෙම කියල ඉතිං නාඩි කොටන්නේ නැතිව ඉන්න පුළුවන්යැ!අද නාඩියා කොටන්න කියල හිතුවේ නාඩියාගේ අසල්වැසි රටේ සංචාරේ ජෝලිබර මතක ටිකක්!

නාඩියා නම් වූ උත්තම පුරුසයා තමන්ගේ රටට පැමිණෙන බව ආරංචි වූ මං මෝහන සීයා ප්ලේන් එකෙන්  බහින්න කලින්ම තෑගි පාර්සලයක් ට්‍රොලියක පටවා ඒවා තිබුනේය...ඒ සමගම නාඩියාගේ මෝබයිලාට ඇමතුමක් ලැබුණි!

“හලෝ...”

“හලෝ ශ්‍රී ලංකා....”

“හලෝ හුස්‌ ඉස්පිකින් හේ?”

“හලෝ නාඩියා...දිල්ගේ නාම්හේ ශාරුක් කන්නන්ගර්හේ...වෙරි වෙල්කම් ටු හින්දුස්තාන් හේ...කභි අලවිදනා ප්‍රීති හෝම්හේ...නයිට් ලන්ච් රෙදියා ඇට් ප්‍රියංකා චොප්රා නිවාස් හේ!”

“පිස්සු බම්ප් වෙනවා ඈ හේ! OK බේටා....!! TK TK…..”

එයාර් පෝටයේ සිට හෝටලයට යාමට ප්‍රියංකා චොප්රා චොපර් එකක් ඒවා තිබුනේය...එතැන් සිට නාඩියා තමන්ගේ අතීසාර මිත්තරයන් දෙදෙනෙකු සමඟ කල සංචාරයේ පිස්සු බම්ප් වෙන තැන් දෙක තුනක් මෙසේය..

නාඩියා හිතන විදිහට ප්‍රවාහන ප්‍රශ්නෙට නියමම විසදුම හොයා ගෙන තියෙන්නේ හින්දුස්තාන් කස්ටියය ..ත්‍රි විලරයක උනත් බස් එකක සෙනග යන්නේය...පාරේ යද්දී මේ ෆොටෝ ගත්තේ...කොහොමද වැඩේ කියල බලන්නකෝ...(අපිත් ටෙස්ට් කොරල බලමුද?)

අනිත් සුපිරිම සෙට් එක තමයි පොලෝසියේ ඩයල්!සම්තින් එක ගන්න දන්නෙම නෑ!උන් ඉන්නේ දිග උණ බටයක් අතේ තියාන!සබන් කෑල්ලක් හරි සිද්ධාලේප කුප්පියක් හරි දුන්නොත් ආයේ පු* උනත් හෝදයි!(ඉන්දියාවේ යන උන් ඉන්නවනම් ඔය දෙකෙන් ටිකක් වැඩිපුර අරං යමල්ලා...)

උණ බට පොලිසිය

මේ සිද්ධිය උනේ පැය 48 ක් එක දිගට කෝච්චියේ එද්දී...ඉන්දියාවේ ඉන්නවා අර ගෑනු වගේ ඇදන් ඉන්න පිරිමි!(අර නච්චිද මොකක්ද කියල කියන්නේ) උන් කෝච්චියටත් නගිනවා...කොල්ලොන්ට තමයි කරදර කරන්නේ!සල්ලි ටිකක් දීල තමයි ශේප් වෙන්න ඕනේ!ඔන්න දැන් අපි ඉන්න පෙට්ටියට එහා පැත්තේ එකේ ඇහෙනවා අරුන් අප්පුඩි ගගහා සින්දු කියන සද්දේ...ලඟට ආපු ගමන් නාඩියා කලේ ටොයිලට් එකට රිංගන එක!මක්කයත් තිබිච්ච අනිත් එකට රිංග ගත්තා! බඩ චමතා හරි බැරි ගැහිලා හැංගෙන්න යද්දී ඩයල් ටික ඇවිත් ඉවරයි! ඔන්න දැන් කස්ටිය අරුව වට කර ගත්තා...නාඩියා ටොයිලට් එකේ දොරේ හිලකින් බලාන ඉන්නවා..සාරි ඇදලා..වළලු දාල..ලස්සනේ බැරුවා(ඊයා..........)

සෙට් එක හින්දියෙන්ද කොහෙද චමතට මොනවාදෝ කිව්වා!ඩයල් එක ටස් ගාල කොලයක් ඇදලා අරුන්ට දුන්න!යාන්තම් උන් ටික ගියාට පස්සේ අපි වීරයෝ වගේ එලියට බැස්සා!

“පවු බං අසරණයෝ.....”

“ඇයි මොකෝ???”

“නෑ බං මම උන්ට දුන්නේ ලංකාවේ රුපියල් 10 ක්!”

ඔන්න ඉතින් නාඩියා ඉන්දියාවට ගොඩ බැස්ස කියමුකෝ..මුලින්ම ගියේ දිල්ලියට!අර කතාවටත් කියන්නේ “දිල්ලි ගියා වගේ” කියල!ඒකනම් අනිවා ඇත්ත කතාව!මෙලෝ මගුලක් හොයා ගන්න බෑ!උදේ පාන්දර නැගිටලා මම මක්කයට කතා කළා අපි යන බස් එකට බඩු මලු ටික ඇද ගන්න රික්ෂෝ එකක් ගේන්න යමු කියල...(රික්ෂෝ එක කියන්නේ බයිසිකලේක පිටිපස්සා සිට් එකක් හයි කරපු අයිටම් එකක්!ඔය තියෙන්නේ පහලින්)

දැන් නාඩියයි මක්කයයි පාරේ යනවා..පොඩ්ඩක් පටු පාරක්...යන ගමන් මක්කයා මෙහෙම අහනවා..

“ඈ බං නාඩියෝ මෙහෙ බල්ලෝ ගොඩක් ඉන්නවා වගේ නේද?”

“හ්ම්ම්....” 

(එහෙම කියන ගමන් එක ජොනි බට්ටෙක් උඩින්  පැන්නා)

“මුන් කන්නේ මොනවාද දන්නේ නෑ බං මෙච්චර තඩි බොග දාන්න!මුන්ගේ පු*වල් මහන්න එපැයි මේ හැම තැනම දාල තියෙන විදිහට...”

 (මක්කයා තව ජොනි බට්ටෙක් උඩින් පැන්නා)

නයි කයිද රෝස් පාන් කියපි!!!!ඉස්සරහ දැකපු දර්ශනෙන් මාස හතක් කාපුවා වමාරලා ආයේ කන්න හිතුනා...අපේ ආදර හින්දුස්තාන් කොල්ලෝ සෙට් එකක් පාරේ ඉදගෙන උදේ සිහිල් සුළං රැල්ලේ බඩවල් හිස් කරනවා..පාරේ ගෑනු මිනිස්සුත් යනවා....ඒ යක්කුන්ට ගානක්වත් නෑ!!(එතකොට අපි උඩින් පැනපු ජොනි බට්ටෝ???)

රික්ෂෝ එකක්නම් තියනවා..පදින එකා නෑ!දැන්නම් නාඩියාට අන්නශ්රොතේ ඉදන්ම ඔක්කරේ වගේ..ඉක්මනට යන්නයි හිත...පොඩ්ඩක් වටේ කැරකි කැරකි ඉද්දි අර කොල්ලෝ සෙට් එකෙන් එකෙක් නැගිටලා ඇවිත්(හේදුවද දැක්කේ නෑ)

“කම් සර්ර්...රෙක්සෝ සර්ර්.....මහා බෝධි පා...න්සල්.... ගෝ සර්ර්....”

මොනවා කොරන්නද නාඩියයි මක්කයයි නහය වහගෙන පිටි පස්සෙන් වාඩි උනා!

මේ ඉන්නේ ඒ උත්තම කොල්ලා!

ඔන්න ඔහොමයි ඉන්දියාව..හැබැයි ලස්සන පැත්තකුත් තියනවා..ඒ ගැන පස්සේ කියන්නම්....අනිත් එක මුන් පාරේ කැත කලත් රට ගැන හැගීමයි..රටේ දේ ගැනීමයි බොක්කෙන්ම තියෙන ජාතියක්! රටේ අගමැති යන්නෙත් ඒ රටේම හදන එම්බසඩර් කාර් එකේ!

ඒකනේ උන් අග්නි මිසයිලේ උඩ යවද්දී අපි තාම රාවණාගේ **** අල්ලන් කෑ ගගහා ඉන්නේ!

බස් රේඩියෝ බ්ලොග් සතියට එක දිගට කොටපු නාඩි...(අද කෙටුවේ හයවෙනි එක ඈ!)

01.  අනේ අනිච්චං

02.  අල ගෝනි හානයිස් බුරි(18+ නොවේ)

03.  පඩ සරත්!!! 

04. මං ෆොටෝජෙන්ක්!!! 

05. "සිරිමලී" ඈ ජුකී කෙල්ලකි. 

 

ලයික්  එකක් දාලයමු නේද?

සිරිමලී - ඈ ජුකී කෙල්ලකි!

ඊයේ හවස නාඩියා ටවුන් එක පැත්තේ යද්දී නිල පාට ෂර්ට් ඇඳ ගත්ත කාන්තාවෝ රොත්තක්ම ටවුන්  එකේ එහෙ මෙහේ ඇවිදිනවා....නාඩියා පොඩ්ඩක් විපරම් කරලා බැලුවා..මොකෝ FBI එකෙන්වත්ද දාන්නේ නෑනේ!

අනේ නෑ..අපේ රටට විදේශ විනිමය ගේන දැයේ වීර කාන්තාවෝ!ඇඟලුම් කම්හල් සේවිකාවෝ...සමහර අයගේ වචනෙන් කියනවනම් ජුකී කෙල්ලෝ!නාඩියා පොඩ්ඩක් එක්කෙනෙක්ට කිට්ටු කරලා ඇහුවා..

“නංගි අද නිවාඩුද?”

“නෑ අයියා..අද 2 ට off…”

“මොකෝ මේ කස්ටිය අතේම ලොකු බඩු මලු?”

“අද පඩි බැංකුවට දාන දවසනේ අයියා..මේ ගෙදරට ඕනේ බඩු ටිකක් අරං යනවා”

මේ කතා ටික ඇහුණාම නාඩියාට හිතුනා ගොඩක් කල ඉදන් හිතේ ගුලි කරන් ඉන්න මොනවාදෝ ටිකක් කොටලා දාන ඕනේ කියලා..

77 විවෘත ආර්ථිකෙත් එක්කම රටට ආපු දෙයක් තමයි ඇඟලුම් කම්හල්..අද අපේ රටේ විදේශ විනිමය ගේන ප්‍රධාන මාර්ගයක් වෙලා..කාලයක් යද්දී රටේ කතාවකුත් හැදුන “මල්ලි ආමි..නංගි ජුකී” කියලා..ඇත්තටම කිව්වොත් ලංකාවේ තියන අධ්‍යාපන ක්‍රමෙත් එක්ක පවුල් බර කරට ගන්න පාසලෙන් පිටවෙන අපේ ගම් වල අක්කල නංගිලා ගොඩකගේ එකම ගැලවුම් කරුවා වෙන්නේ ගාමන්ට්!

නාඩියා මේ ලඟදි අර ජන සංගනනේ කියන ඒකට ගියානේ...එකේදී මම ගිය “එක්තරා” ගමක තරුණ කාන්තාවෝ ගොඩාක් අය නාඩියට හම්බුනේ නෑ..(නාඩියා දවල් ගියේ ඈ!මොකෝ මෝල් ගස් පාරවල් කන්න බෑනේ) ගෙවල් වලින් ගොඩක් වෙලාවට මෙහෙම උත්තරයක් තමයි ලැබෙන්නේ...

“නංගි/අක්කා *****(ගාමන්ට් එකක නමක් ) එකේ වැඩට යනවනේ පුතේ..උදේම යනවා..බස් එක හන්දියට එනවනේ...”

නාඩියා ගණන් හදපු විදිහට මේ වටේ තියෙන ගාමන්ට් ෆැක්ටරි තුන හතර නැත්නම් ඒ ගමේ කාන්තාවන්ගේ විරැකියාව 80% ත් පන්නනවා!!

හැබැයි ඉතිං අපේ නංගිලා අක්කලා මේවට යන්නේ අහසේ මාලිගා හදන්න නෙවෙයි...ඉස්සරහට එකලාසයක් වෙන්න අත කන කර ටික හදා ගන්න..ඔත්පල වෙලා ඉන්න අප්පච්චිට බේත් ටික අරං දෙන්න...ඉස්කෝලේ යන නංගිට පොත් පෑන් අරං දෙන්න...ඒ වගේ අහිංසක බලාපොරාත්තු ටිකක් තමයි තියෙන්නේ...

මොකෝ හම්බෙන සොච්චමෙන් ඊට වඩා දෙයක් කරන්න බෑ...

AL ඉවර වෙලා ගෙදර ඉන්න දවස් වල නාඩියාත් ගියා පොඩි ජොබ් කට්ටකට...හැබැයි සතියක් විතර තමයි ගියේ...ඉතා ප්‍රසිද්ධ ඇඟලුම් කම්හල් ජාලයක audit වැඩේ කරන්න...හැබැයි ආතල් ජොබ් එකක්!එක තැනක අපිට කරන්න තිබ්බේ ඒවගේ ගබඩා පරික්ෂා කරන එක..එක දවසක් වැඩ කර කර ඉද්දි අක්කා කෙනෙක් ඇවිත් කතා කළා..

“මල්ලි කැම්පස් ද?”

“තව නෑ අක්කා..යන්න ඉන්නේ...”

“මාත් කැම්පස් තමයි මල්ලි..**** හිටියේ...අවුට් වෙලා අවුරුදු  3 ක් රස්සාවක් නැතිව හිටියා..ඊට පස්සේ හැමදාම ගෙදරට බරක් වෙන්න බැරි හින්ද මෙතනට ආවා...මෙතන අපිත් එක්ක කැම්පස් හිටිය තව දෙන්නෙක් වැඩ කරනවා මල්ලි...!!!"

නාඩියාට කතා කරගන්න බැරි උනා!මොකෝ ඒ වෙනකොට අපි කැම්පස් එකේ ඩිග්‍රිය කියන එක පුජනියත්වයෙන් අදහන කාලේ!මේක තමයි අද අපි වැටිලා ඉන්න තත්ත්වේ...!

තව දවසක් අපිට උන්න උනා ඒ සමාගම් ජාලයේම තවත් කම්හලක transport audit එකකට...(වල් රජාලගේ ගෙවල් පැත්තේ!)ඒ කියන්නේ කුලී පදනමට අරන් ඉන්න ඩ්‍රයිවර් මහත්තුරු හොර කරනවද කියල බලන්න තමයි අපිට තිබ්බේ...Night shift එක කරලා කස්ටිය එලියට එද්දී රෑ 10 යි! ඊට පස්සේ සමහරු වැන් එකේ ගිහින් ගෙදරින් බහිද්දී රෑ 11.30 වත් වෙනවා!(නාඩියාත් ඔය වෑන් එකේ ගියා!විත් එක්ස්පිරියන්ස් ඈ!)ඒත් කොච්චර රෑ උනත් පහුවදා වැඩට එන්නත් ඕනේ!ඇත්තටම එදා නම් නාඩියාට පවු කියල හිතුනා..

නාඩියාත් එක්ක එකට ඉස්කෝලේ ගිය යෙහෙළියෝ ගොඩක් අද ගාමන්ට් යනවා...සමහරු අපිව දැක්කහම බිම බලාගෙන යන්නේ..මොකද්දෝ ලැජ්ජාවකින් වගේ....අපේ සමහර යාලුවොත් එයාලා දැක්කහම නොදැක්ක වගේ යනවා..දවසක් නාඩියා එහෙම එකෙක්ගෙන් මෙහෙම ඇහුවා..

“මොකෝ බං උඹ අරකි දැක්කහම නොදැක්ක වගේ ගියේ?උඹේ පන්තියේ නේද හිටියේ?

“යකෝ එහෙම කතා කරන්න පුලුවන්ද බං..අපි කැම්පස් නේ!එකී ගාමන්ට් කෙල්ලෙක්!අපේ තත්ත්වෙට හරි නෑනේ මචං...!”

අනේ උගේ *** රෙද්දේ තත්ත්වේ!

ඔන්න ප්‍රබුද්ධයි කියන සම“හරක්” හිතන විදිහ!

අනිත් එක ඔය එක එක ස්ටයිල් දාන පොස් යැයි කියා ගන්න කෙල්ලෙක්ගෙන් අහන්න ජුකී මැෂින් කරකෝන නංගි  කෙනෙක් එක්ක shopping යන්න...Dinner out එකකට යන්න කැමතිද කියල...?

මං කියන එක බොරුනම් ඕනේ කොල්ලෙක්ගෙන් අහල බලන්න උඹ මොනවා කරන කෙල්ලෙක්ද බදින්න කැමති කියලා.... “දොස්තර කෙනෙක්..ටීචර් කෙනෙක්....ලේචියක්...රස්සාවක් ඕනේ නෑ බං...” ඔය වගේ උත්තර ගොඩාරියක් දෙයි..ඌ ගෙන්ම අහන්න බලන්න “ගාමන්ට් යන කෙල්ලෙක් කොහොමද?” කියල.. “අනිවා ඌ ගොළු වෙනවා!

හැමදාම අපි බලං ඉන්නේ මේ අය දිහා වපර ඇහින් බලන්න...කවදද අපි ඇස් දෙක ඇරලා ලෝකේ දිහා බලන්නේ??? 

බස් රේඩියෝ බ්ලොග් සතියට එක දිගට කොටපු නාඩි...(අද කෙටුවේ පස්වෙනි එක ඈ!)

01.  අනේ අනිච්චං

02.  අල ගෝනි හානයිස් බුරි(18+ නොවේ)

03.  පඩ සරත්!!! 

04. මං ෆොටෝජෙන්ක්!!!

ලයික්  එකකුත් දාල යමුද?